Helburua

Beren erosotasun-eremutik atera nahi duten eta/edo beren ideia beste ikuspegi batetik begiratzeko interesa duten pertsonei aholkularitza, prestakuntza eta beharrezko materiala ematea, ideiaren potentziala birdefinitu, berrasmatu eta birbideratzeko, arriskuak minimizatzeko eta bideragarritasuna aztertzeko.

Hartzailea

Edonorentzat zuzendua; formakuntza jasotzen jarraitzeko gogoadutenentza, ekiteari pentsatzen ari direnentzat edo beren ideaia sormen prozesu baten bitartez edo metodologia desberdinak testatuz balioztatu nahi dutenentzat.

Gehienez 12 parte-hartzailerekin egingo da lan.

Programa honetan hurrengo pertsonek parte-hartu dezakete:

• Euren ibilbide profesionalari bira bat eman nahi izatea.
• Negozio ideia bat identifikatuta izatea eta garatu eta/edo gauzatu nahi izatea.
• Donostian enpresa ekimen edo proiektu berritzaileak garatu nahi izatea.
• Proiektuen kudeaketari aplika dakizkiokeen gaitasunak eta ahalmenak eskuratu nahi izatea.

Programak zer hartzen du barne

• Orientazioa
• Prestakuntza
• Tutoretza

Gehienez, hilabeteko iraupena eta 30 ordu inguruko dedikazioarekin, ideia hurrengo fasera pasatzeko prest egongo da: inkubazio fasera.

Deialdiaren epea

Deialdia itxi arte, 2020ko azaroak 2, astehelena.

Hartzaileak eta hartzaileen betekizun gehigarriak

Proposamen guztiak ekintzailetza, berrikuntza eta enpresa arloetan adituak diren eragileek osatutako adituen batzorde batek aztertuko ditu. Honako alderdi hauen balorazioan puntuaziorik onena lortzen duten proiektuak hautatuko dira:

Hautagaiei buruz:

• Ekintzaile profila.
• Hautagaiaren ibilbidea.
• Proposatutako ideia ahoz edo idatziz komunikatzeko gaitasuna.
• Eskuragarritasuna.

Ideiei buruz:

• Osagai berritzailea
• Osagai sortzailea
• Negozio aukera
• Hazteko potentziala
• Finantza aldetik iraunkorra den negozio bihurtzeko potentziala

• GJH ebazteko potentziala

Donostiako Sustapenetik bereziki baloratuko ditugu Garapen Jasangarriaren erronkak eta Helburuak konpontzera bideratutako sentsibilitatea duten ekimen guztiak..

Proiektuak balorazio-irizpide hauen arabera ebaluatuko dira:

Donostiako Sustapena harremanetan jarri ahal izango da eskatzaileekin, proiektuek gutxieneko puntuazio hori gainditu ez duten arren, 60 puntu edo gehiago lortu dituzten egiaztatzeko.

Eskatutako laguntza ebazteko epea bi hilabetekoa izango da, eskabidea erregistratzen denetik hasita, eta epe horren barruan ez dira sartuko administrazio-dokumentazioa zuzentzeko epeak.

Ebazpena emateko epean ez emateak ez du esan nahi parte hartzea onartua izango denik.

Hautatutako parte-hartzaileen eskubideak eta betebeharrak

Donostiako Sustapenak konpromiso hauek hartzen ditu:

• Aholkularitza eta prestakuntza ematea, diseinuaren eta sormenaren arloetan, aukerak sortzeko, irtenbideak baliozkotzeko eta horiek inplementatzeko
• Gure ekosistema ekintzailearekin ezagutza eta harremana erraztea.
• Proiektuei ikusgarritasuna ematea gure sareetan.

Parte-hartzaileek, Programako kide diren aldetik, konpromiso hauek hartu beharko dituzte:

• Donostiako Sustapenaren egiaztapen jarduketak onartzea, eta eskatzen zaion informazio edo dokumentazio guztia haren esku jartzea.
• Parte hartzea arriskuan jar dezakeen edozein gorabeheraren berri ematea.
• Prestakuntzetara nahitaez joatea.
• Lan giro ona sortzea.
• Entregatzekoak, erakundeak proposatutako egutegiaren arabera.
• Dinamizazio jardueretan parte hartzea.

Babes intelektuala

Parte-hartzaileak beren ideia propioaren "egileak" eta "jabeak" dira. Hala ere, hautatutako ideiak programaren interesguneren batean zabaldu ahal izango dira, merkatura irtetea sustatzeko eta parte-hartzaileen proiektuei ikusgarritasun handiagoa emateko.

Datuen babesa

Oraingo baseak izapidetzeko dokumentazioan agertzen diren datu pertsonalak Donostiako Sustapenaren datuen fitxategietan sartuko dira, sozietate horrek orokorrean ematen dituen zerbitzuen kudeaketa errazteko.

Programa honetan parte hartzeak esan nahi du jakinarazten diren datu pertsonalak administrazio publikoei edo Donostiako Sustapeneko erakunde laguntzaileei laga ahal izango zaizkiela, soilik sozietate honen eginkizunekin zuzenean lotutako helburuak betetzea errazteko.

Eskatzaileak datuak eskuratzeko, zuzentzeko, ezerezteko eta aurka egiteko eskubideak baliatu ahal izango ditu, aurrez aurre, Donostiako Sustapeneko Informazio Zerbitzu Zentraletan (Erregina Erregentearen kalea 8, behea) edo telematikoki, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidearen bidez, honako gai hau adierazita: "Reaktiva-T Programa", eta jarraian, baliatu nahi duen eskubidea.

Oinarriak ez betetzea

Eskatzaileak oinarri hauetan ezarritako baldintzaren bat betetzen ez badu, programan parte hartzeko eskubidea galduko du.

Programa hau Elkarrekin Lanean, Gipuzkoako Foru Aldundirako deialdiarekin batera finantzatzen da